Portugalia regjistron korrikun e saj më të nxehtë që nga viti 1931 ndërsa thatësira e madhe ende vazhdon!
Portugalia regjistroi korrikun e saj më të nxehtë muajin e kaluar, sipas shërbimit të motit të vendit.
Temperaturat në rritje e përkeqësuan thatësirën e Portugalisë, me 45% të kontinentit të klasifikuar tani si në “thatësirë ekstreme” – niveli më i lartë i klasifikimit – dhe pjesa tjetër e kontinentit klasifikohet si në thatësirë ”e rëndë”, e cila është e dyta më e larta, deri në fund të korrikut.
Shumë pjesë të tjera të Europës Perëndimore dëshmuan gjithashtu kushte të ashpra në fillim të verës dhe shkencëtarët thonë se ndryshimi i klimës do të vazhdojë ta bëjë motin më ekstrem.
Sipas ekspertëve, klima e Europës Jugore po ndryshon për t’u ngjasuar me atë të Afrikës së Veriut.
Shërbimi portugez i motit, i njohur me akronimin e tij IPMA, tha se korriku ishte më i nxehti që nga fillimi i regjistrimeve kombëtare në vitin 1931.
Temperatura mesatare ishte 25.14°C që është pothuajse tre gradë Celsius më e lartë se mesatarja e parashikuar e korrikut.
Në korrik kishte vetëm 3 mm reshje në kontinentin e Portugalisë, rreth 22% e normales, sipas IMPA.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.