Punëtorët e pakualifikuar – Greqia regjistron një mungesë të madhe
Pamundësia për të gjetur staf është aktualisht një nga problemet më të mëdha me të cilat përballen bizneset e vogla dhe të mëdha në Greqi. Sipas një sondazhi të Shoqatës së Eksportuesve, 90.7% e tyre është në kërkim të burimeve njerëzore për momentin.
Kërkohen edhe punëtorë të pakualifikuar, por kompanitë greke nuk i gjejnë, ose të paktën ata që morën pjesë në sondazhin e Shoqatës së Eksportuesve – SEVE, i cili shënon njëkohësisht një qëndrim jashtëzakonisht pesimist nga shumica dërrmuese për situatën aktuale të tregut të punës në vend.
Numri i kompanive që morën pjesë ishte 118, ndërsa rezultatet treguan se gjetja e burimeve njerëzore është një problem i madh dhe shkakton shqetësim për kompanitë greke, qofshin ato shumë të vogla, me deri në 10 punonjës (8.5%), apo pak më të mëdha, me 11 deri në 50 punonjës (34.7%), ose për ato më të mëdha (33.1%).
Shoqata thekson se kërkohet një lidhje më e mirë dhe më efektive ndërmjet institucioneve arsimore dhe bizneseve nga njëra anë, si fuqizimi i arsimit teknik dhe theksi në profesionet e së ardhmes, dhe nga ana tjetër kufizimi i kostove të punës pa paga.
Për më tepër, kostot e pagave në Greqi rezultojnë të jenë të ulëta, krahasuar me shumicën e vendeve të tjera anëtare të Bashkimit Europian, edhe në sektorë dinamikë dhe në zhvillim. Paga mesatare për të punësuarit në bizneset e vogla deri në 10 persona ishte rreth 962 euro në vitin 2022. Por edhe në të gjitha bizneset paga mesatare nuk i kalon 1200 euro, ndërsa në bizneset e mëdha varion nga 1500 deri 1750 euro.
Në veçanti, asnjë nga kompanitë pjesëmarrëse nuk e vlerëson problemin e gjetjes së burimeve njerëzore si “aspak të rëndësishëm”, ndërsa 2,5% e vlerësojnë si “pak të rëndësishëm”. Përkundrazi, 47.5% e vlerësojnë atë si “shumë të rëndësishme”, ndërsa gjysma e kompanive që kanë marrë pjesë në anketë, pra 50%, e vlerësojnë atë si “shumë shumë të rëndësishme”. Rreth gjysma e kompanive janë në kërkim të zejtarëve të kualifikuar, operatorëve të pajisjeve dhe makinerive dhe shoferëve, ndërsa 48.3% e kërkojnë punëtorë të pakualifikuar.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.