Pushimet masive nga puna/ Ish-nëpunësit hedhin në gjyq Tesla-n!

Bloomberg News raporton se dy ish-nëpunës të Tesla kanë hedhur në gjyq kompaninë për prodhimin e automjeteve elektrike, pasi ka pushuar nga puna pa asnjë paralajmërim rreth 10% të personelit.

Nëpunësit që janë pushuar nga puna këtë muaj nga fabrika e baterive Tesla në Nevada, pretendojnë se kompania nuk ka respektuar paralajmërimin prej 60 ditësh para hyrjes në fuqi të masës për pezullim nga puna

Ata janë disa prej 500 nëpunësve të pushuar nga puna, dhe këmbëngulin se nuk kanë pasur asnjë lajmërim për ndërprerjen e marrëdhënieve të punës. Dy ish-nëpunësit po përpiqen që cështja e tyre të marrë statusin e “veprimit të klasës” në favor të personave të tjerë të përfshirë në pushimet masive nga puna në muajin maj dhe qershor

Ligji për punësimin dhe kushtet e punës detyron kompanitë amerikane të paralajmërojnë para 60 ditësh pushimin nga puna të më shumë se 50 nëpunësve.

Me anë të një e-maili Musk paralajmëroi një reduktim të stafit me 10% në Tesla duke deklaruar se Shtetet e bashkuara të Amerikës janë në recesion.

Por një javë më parë Musk sqaroi se Tesla nuk ka bllokuar punësimet e reja dhe se stafi do të shtohet vitin e ardhshëm.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.