Që kur dhe pse e kuqja është ngjyra e Krishtlindjes?
Në Krishtlindje çdo gjë është e veshur me të kuqe, por dikur ngjyra e kësaj feste të krishterë ishte e bardha. Pastaj erdhi Coca-Cola dhe Ylli i Krishtlindjes…
Ndryshimi në ngjyrën e veshjeve liturgjike gjatë festimeve të Krishtlindjes pa kalimin nga e bardha tradicionale në të kuqen dalluese gjatë shekullit të 20-të. Ky transformim u ndikua nga të paktën dy ngjarje të rëndësishme.
Njëra prej tyre, e ndodhur në vitin 1930, lidhet me marketingun e kopmanisë Coca-Cola, e cila zgjodhi Santa Claus si figurë kryesore të imazhit të saj dhe ilustruesi amerikan Haddon Sundblom kodifikoi të kuqen e veshjes, duke marrë frymëzim nga ngjyra peshkope e rrobave të Shën Nikollës.
Ky i fundit, i njohur si shenjtori mbrojtës i fëmijëve, ishte i lidhur tashmë me Krishtlindjen në Europën Veriore dhe Shtetet e Bashkuara. Kjo lidhje midis Santa Claus dhe Coca-Cola kontribuoi në përhapjen e së kuqes si ngjyra mbizotëruese e festave të Krishtlindjes në të gjithë botën.
Pothuajse paralelisht, reklamat komerciale “zbuluan” Poinsettia (Euphorbia pulcherrima). Kjo bimë zbukuruese, në fakt, nuk lidhet me Krishtlindjen sepse është e kuqe, por, përkundrazi, sepse vetë ia ka transmetuar ngjyrën festës së krishterë.
E bëri këtë në vitin 1899, kur, pasi u përhap nga Meksika në Shtetet e Bashkuara, u përdor për të dekoruar bazilikën e Shën Pjetrit për festat e Krishtlindjes: rezultati ishte aq i bukur dhe spektakolar sa i dha famën dhe emrin aktual.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.