Qindra produkte shqiptare në Shesh – Panairi “TiranAgro”, për 4 ditë vendtakim midis konsumatorëve dhe fermerëve
Për 4 ditë me radhë, “Sheshi Skënderbej” do të jetë vendtakimi i prodhuesve shqiptarë, konsumatorëve vendas dhe turistëve të huaj.
Afro 150 fermerë nga i gjithë vendi ekspozojnë një shumëllojshmëri produktesh autentike shqiptare në panairin “TiranAgro”, ndërsa një hapësirë e veçantë i është dedikuar bizneseve nga Kosova dhe Maqedonia e Veriut.
Panairi “TiranAgro” i organizuar për të 6-shtin vit nga Dhoma e Tregtisë Tiranë në bashkëpunim me Bashkinë e Tiranës, do të jetë i hapur deri më 24 shtator.
Përpos ekspozimit të produkteve, ky panair shërben edhe për krijimin e bashkëpunimeve të reja midis bizneseve dhe fermerëve.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.