Raporti i OKB-së: Më shumë njerëz po marrin drogë aktualisht në mbarë botën sesa 10 vite më parë!
Gjithnjë e më shumë njerëz po marrin drogë në mbarë botën. Kjo rezultoi sipas një raporti të Kombeve të Bashkuara që thotë se numri i atyre që injektojnë stimulues është 18% më i lartë se sa ishte vlerësuar më parë.
Në Vjenë, ka pasur një rritje të ndjeshme të vdekjeve nga droga. Gati 300 milionë njerëz në mbarë botën kanë përdorur drogë në vitin 2021 sipas Raportit të fundit Botëror të Drogës së UNODC. Kjo shifër është 23% më e lartë se 10 vitet e mëparshme.
Substanca më e zakonshme që krijon varësi është kanabisi, i ndjekur nga opiatet, amfetaminat, kokaina dhe ekstazia. Për rrjedhojë ka afro 40 milionë raste të njerëzve që vuajnë nga çrregullimet e përdorimit të drogës.
Ky numër është rritur me 45% në dhjetë vitet e fundit. Vetëm një në pesë persona janë në trajtim.
Lajmi i mirë është se tani mund të kontaktohen më shumë njerëz, tha Angela Me, shefe e Kërkimit dhe Analizës së Trendit të Zyrës së Kombeve të Bashkuara për Drogën dhe Krimin (UNODC).
“Ne kemi parë në të vërtetë me pandeminë COVID, shumë vende kanë adoptuar mënyra inovative për të arritur përdoruesit e drogës me shërbimet. Dhe kështu kjo risi tani dëshmon të jetë vërtet duke rritur gjithashtu numrin e njerëzve që mund të arrihen dhe madje edhe pacientët e rinj po vijnë në trajtim. Kështu që kjo jep një shenjë shprese,” shpjegoi Me.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.