Raporti i ri mujor i azilkërkuesve në BE – Gjermania vendi më i kërkuar. Numri më i lartë i aplikantëve nga Siria dhe Afganistani

Eurostat ka publikuar të dhënat e fundit të azilkërkuesve për muajin Janar 2022.

Për muajin e parë të këtij viti ka pasur 52 865 aplikantë për azil për herë të parë nga shtetas jo të BE-së të cilët kanë aplikuar për mbrojtje ndërkombëtare në Shtetet Anëtare të BE-së, me 69% më shumë krahasuar me janarin 2021 (31 345), por me një rënie me 2% krahasuar me dhjetorin 2021 ( 54 090).

Për më tepër, në janar 2022, kishte edhe 6 225 aplikantë të mëpasshëm, persona që riaplikuan për azil pasi ishte marrë një vendim për një kërkesë të mëparshme. Kjo ishte një rënie prej 46% në krahasim me janarin 2021, muaji i parë për të cilin u mblodhën këto të dhëna të reja, megjithatë u rrit me 5% krahasuar me dhjetorin 2021.

Shumica e aplikantëve për azil për herë të parë ishin sirianë dhe afganë

Në janar 2022, sirianët ishin grupi më i madh i personave që kërkonin azil (7 885 aplikantë për herë të parë). Ata u pasuan nga afganët (7 375), përpara venezuelianëve (3 405), kolumbianët (2 365), turqit dhe irakenët (të dy 2 340).

Pothuajse një e treta e aplikantëve për herë të parë kërkuan azil në Gjermani

Me 15 835 aplikantë për herë të parë të regjistruar në janar 2022, Gjermania përbënte 30% të të gjithë aplikantëve për herë të parë në BE. Gjermania u pasua nga Franca (9 985, 19%), përpara Spanjës (7 675, 15%), Italia (4 340, 8%) dhe Austria (3 175, 6%). Këto pesë shtete anëtare së bashku përbënin mbi tre të katërtat (78%) të të gjithë aplikantëve për herë të parë në BE.

2 310 të mitur të pashoqëruar që aplikojnë për azil në BE, nga të cilët pothuajse gjysma ishin afganë

Amendamenti i Rregullores së Këshillit (KE) Nr 862/2007 i miratuar në qershor 2020 prezantoi statistika të reja, si dhe rriti shpeshtësinë, afatin kohor dhe nivelin e detajimit të statistikave nga viti 2021, duke përfshirë informacione më të shpeshta dhe të detajuara për të miturit e pashoqëruar që përfaqësojnë një grup veçanërisht të cenueshëm që kërkon mbrojtje.

Në janar 2022, 2 310 të mitur të pashoqëruar aplikuan për azil për herë të parë, me 73% rritje krahasuar me janarin 2021 (1 335) dhe me 27% më pak krahasuar me dhjetorin 2021 (3 155).

Shumica e të miturve të pashoqëruar që paraqitën kërkesa për azil në janar 2022 vinin nga Afganistani (1 065), Siria (435) dhe Somalia (165).

Austria (505), Gjermania (415), Belgjika (295) ishin tre shtetet anëtare që morën numrin më të lartë të kërkesave për azil nga të miturit e pashoqëruar në janar 2022.

N.Xh / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.