Renditja e shkollave dhe gjimnazeve në kryeqytet – Kryeson “Qemali” dhe “Samiu”. Shkollat periferike me rezultate më të ulta

Performanca e shkollave të kryeqytetit në vitin 2021 me tregues të ndryshëm ka sjellë dhe rankimin e tyre, qoftë të gjimnazeve publike apo jopublike por dhe shkollat 9-vjeçare, të cilat përdoren si elemente referues nga prindërit për përzgjedhjen e shkollës më të mirë për fëmijët e tyre.

Zyra Vendore Arsimore Tiranë ka renditur gjimnazet “Qemal Stafa”, “Sami Frashëri” dhe “Petro Nini Luarasi” ndër shkollat më tregues më të mirë përsa I përket kalueshmërisë, rezultateve të maturës shtetërore, olimpiadave, nxënësve të larguar nga shkolla, krediteve dhe mësuesve të  kualifikuar në 2021. Ndër shkollat 9-vjeçare, “Fan Noli” kryeson duke u pasur më tej nga “Edit Durham” dhe “Shkolla e Kuqe” nga 111 që janë në kryeqytet. Nga ana tjetër për rezultatet negative të listuara me notë kaluese në maturën shtetërore përqindja e nxënësve arrin në 30 në gjimnazin “Shën Gjergj” dhe 29 në gjimnazin “16 Shtatori”.

Përqindja e nxënësve të larguar në 35 gjimnazet publike të kryeqytetit arrin në 347 kundrejt të regjistruarve në fillim të vitit shkollor. Gjimnazet me largimin më të lartë të nxënësve brenda një viti renditen “Ymer lala” dhe “Eqrem” Çabej për 2021. Ndërsa përqindja e nxënësve të larguar brenda një viti në shkollat 9-vjeçare arrin në 919 në 111 shkolla, kundrejt të regjistruarve në fillim të vitit mësimor.

Një tregues tjetër që ndikon në renditjen e shkollave është dhe diferenca e notës vjetore krahasuar me notat e provimeve kombëtare. Në gjimnazin “Ahmet Boja” dhe “Ymer lala” diferencë midis tyre kanë pasur përkatësisht 13 dhe 12 nxënës.

Në regjistrimet e kryera online për vitin 2022 për shkollat, në fazën e parë u kryen afërsisht 70% në klasat e para dhe 60% klasat e dhjeta, një rezultat ky jo mirë i pritshëm nga Ministria e Arsimit të cilët pretendonin një numër më të lartë. Si arsye ky institucion rendit problemet në portalin e-albania teksa sigurojnë se asnjë nxënës nuk do të ngelet pa regjistruar.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.