Reshje dëbore dhe temperatura deri në -3 gradë – ARRSH: Qarkullimi vijon pa probleme në të gjitha akset nacionale!
Autoriteti Rrugor Shqiptar njofton se gjatë natës dhe në orët e para të mëngjesit ka pasur reshje dëbore në akset Bilisht-Kapshticë, Qafë Qarri-Ersekë, në Dardhë, në Voskopojë, Zëmblak-Dogana Goricë, Pukë-Fushë Arrëz, Qafë Mali-Kukës dhe në Valbonë.
Gjithashtu sipas njoftimit temperaturat kanë qenë në vlera negative deri në -3.
Gjithashtu në aksin Ura e Zapodit-Shishtavec si pasojë e stuhisë së fortë ka pasur prezencë të shtuar të dëborës në trup të rrugës ndaj mjetet borëpastruse me forcë të shtuar punëtore po punojnë pa ndërprje për pastrimin e rrugës njfoton ARRSH dhe rruga është e hapur për qarkullimin e mjeteve.
“Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, thuhet në njfotim.
ARRSH bën me dije se mjetet borëpastruese kanë punuar për pastrimin e borës dhe shpërndarjen e kripës pa ndërprerje dhe aktualisht qarkullimi vijon pa probleme në të gjitha akset nacionale.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.