Reshje shiu dhe dëbore në të gjithë vendin – ARRSH: Qarkullimi vijon pa probleme në të gjitha akset nacionale!

Autoriteti Rrugor Shqiptar njofton se gjatë orëve të natës dhe në mëngjes vendi është përfshirë nga reshje shiu dhe reshje dëbore në Bogë-Theth, Tamarë-Vermosh, Cangonj-Bilisht dhe në Dardhë ku po vijon puna për pastrimin e dëborës dhe shpërndarjen e kripës.

Sipas njoftimit temperaturat kanë qenë në rritje dhe grupet e punës të mirëmbajtjes kanë punuar pa ndërprerje në të gjitha akset me prezencë shiu dhe dëbore për pastrimin e akseve.

ARRSH bën me dije se aktualisht qarkullimi vijon pa probleme në të gjitha akset nacionale.

Gjithashtu ARRSH bën thirrje që drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.

E . S / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.