Rusia gati të bisedojë për grurin ukrainas – Moska do të negociojë me Ankaranë dhe Kievin

Rusia shprehet e gatshme për të biseduar me Ankaranë dhe Kievin për zhbllokimin e grurit ukrainas. Ministri i jashtëm rus Lavrov u shpreh se vendet perëndimore duhet të heqin dorë nga bllokimi artificial i furnizimeve nga Moska

Rusia është gati të bisedojë me ministrat e jashtëm turk dhe ukrainas për sa i përket grurit ukrainas. Deklarata u bë nga ministri i jashtëm rus Sergei Lavrov në prag të samtiti të ministrave të jashtëm të G20-ës në Bali, Indonezi.  Lavrov shtoi se Rusia i ka të gjitha zgjidhjet dhe është Ukraina ajo që duhet të zhbllokojë portet dhe të garantojë një kalim të sigurtë. Jashtë ujërave ukrainase do të jenë Rusia dhe Turqia që do të garantojnë sigurinë e anijeve duke i drejtuar në ngushtica. Në Mesdhe do të vazhdojnë të pavarura udhëtimin. Lavrov theksoi se rolin kryesor në këtë pikë e kanë ushtarët sepse skema parashikon dhe përdorimin e marinës.

Ai i kërkoi perëndimit që të mos bllokojë më artificialisht furnizimet ruse për vendet që duan grurin e Rusisë.

Lavrov tha se nëse vendet perëndimore duan të mundin Rusinë në fushën e betejës në konfliktin me Ukrainën atëherë këtu nuk mbetet asnjë gjë për të folur. Sipas tij me këtë qasje nuk i lejohet Ukrainës që të kalojë në procesin e paqes.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.