Rusia ndalon furnizimin me gaz në lindje – Ndërpritet fluksi në gazsjellësin Yamal–Europë, nga Gjermania në Poloni!

Flukset e gazit drejt lindjes nëpërmjet gazsjellësit Yamal – Europë nga Gjermania në Poloni ndaluan ditën e sotme, sipas të dhënave nga operatorët e gazsjellësit Gascade.

Flukset në dalje në pikën e matjes së Mollnau, në kufi me Gjermaninë, zbritën në zero pasi më parë kishin arritur deri në 3.934.808 kilovat orë. Nuk është ende e qartë arsyeja e ndërprerjes së furnizimeve të flukseve. Në muajin maj Polonia ndërpreu marrëveshjen me Rusinë për të marrë gaz rus nëpërmjet gazsjellësit Jamal pasi Varshava Refuzoi kërkesën për të paguar në rubla dhe Moska reagoi duke ndërprerë furnizimin.

Gazprom deklaroi se nuk do të mund të eksportonte më gaz nëpërmjet Polonisë nëpërmjet gazsjellësit Jamal Europë pasi Moska vendosi sanksione kundër shoqërisë në pronësi të degës polake të gazsjellësit

Gjithdsesi ndalimi nuk kishte të bënte me flukset inverse nga Gjermania në Poloni, ku vëllimet menaxhohen nga operatorët e rrjeteve kombëtare në bazë të kërkesave të klientëve.

Gazsjellësi Yamal – Europë është një nga kalimet e ndryshme të përdorura nga Rusia për të furnizuar me gaz Europën, mes të cilëve ndodhet dhe Nord Stream 1, që kalon nëpërmjet Ukrainës, dhe TurkStream, që transporton gazin në Turqi dhe më pas në Europën jugore.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.