Rusia ul taksat për asetet kripto dhe ato dixhitale – Projektligji zbut goditjen e sanksioneve të vendosura ndaj vendit

Ligjvënësit rusë miratuan një projektligj që do të përjashtonte potencialisht emetuesit e aseteve dixhitale dhe kriptomonedhave nga tatimi mbi vlerën e shtuar.

Rusia ka shprehur prej kohësh skepticizëm për kriptovalutat dhe asetet e tjera dixhitale, me bankën e saj qendrore që përmend shqetësimet për stabilitetin financiar.

Por në shkurt, rregullatori i dha platformës blockchain Atomyze Russia licencën e parë për shkëmbimin e aseteve dixhitale. Së shpejti pasoi një licencë për huadhënësin dominues Sberbank.

Sanksionet e paprecedentë perëndimore kanë goditur zemrën e sistemit financiar të Rusisë për ngjarjet në Ukrainë dhe ligjvënësit janë përpjekur të sjellin legjislacion të ri për të zbutur goditjen.

Projektligji, parashikon përjashtime nga tatimin mbi vlerën e shtuar për emetuesit e aseteve dixhitale dhe operatorët e sistemeve të informacionit të përfshirë në çështjen e tyre.

Ai gjithashtu përcakton normat tatimore për të ardhurat e fituara nga shitja e aseteve dixhitale.

Norma aktuale e transaksioneve është 20 për qind, e njëjtë si për aktivet standarde. Sipas ligjit të ri, taksa do të jetë 13 për qind për kompanitë ruse dhe 15 për qind për ato të huaja.

Drafti duhet ende të shqyrtohet nga dhoma e lartë dhe të nënshkruhet nga presidenti Vladimir Putin për t’u bërë ligj.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.