Sa fëmijë kanë lindur në vitin 2020 në Europë? – Në vendin tonë shkalla e lindshmërisë për grua ishte 1.33

Në vitin 2020, 4.07 milionë foshnja lindën në BE, duke vazhduar një prirje rënëse që filloi në vitin 2008 kur lindën 4.68 milionë fëmijë në BE.

Norma totale e lindshmërisë ishte 1.50 lindje për grua në BE në vitin 2020, një rënie e vogël nga kulmi i fundit në 2016 (1.57), por gjithsesi një rritje krahasuar me 2001 (1.43). Shkalla më e lartë e lindshmërisë totale që nga fillimi i serive kohore të krahasueshme ishte 1.57 në 2008, 2010 dhe 2016. Në vitet ndërmjet, ajo luhatet midis 1.51 dhe 1.57.

Ndërkohë në vendin tonë shkalla e lindshmërisë për grua ishte 1.33

Ky informacion vjen nga të dhënat mbi lindshmërinë të publikuara nga Eurostat .

Shkalla e lindshmërisë më e lartë në Francë

Në vitin 2020, shteti anëtar i BE-së me shkallën më të lartë të lindshmërisë totale ishte Franca (1.83 lindje për grua), e ndjekur nga Rumania (1.80), Çekia (1.71) dhe Danimarka (1.68).

Në të kundërt, normat më të ulëta të lindshmërisë u vunë re në Maltë (1.13 lindje për grua), Spanjë (1.19) dhe Itali (1.24).

Rritet përqindja e lindjeve nga nënat e lindura jashtë vendit

Përqindja e fëmijëve të lindur nga nëna të lindura jashtë vendit si nga shtetet e tjera anëtare të BE-së ashtu edhe nga vendet jo anëtare të BE-së është rritur në BE që nga viti 2013 (nga kur disponohen të dhëna të krahasueshme). Në vitin 2020, pjesa ishte 21%.

Përqindja e fëmijëve të lindur nga nëna të huaja ndryshon ndjeshëm midis Shteteve Anëtare: në vitin 2020, 64% e fëmijëve të lindur në Luksemburg ishin nga nëna të lindura jashtë vendit, ndërsa në Qipro pjesa ishte 39%. Në Austri, Maltë dhe Belgjikë, përqindja ishte rreth një e treta.

Në anën tjetër të shkallës, nëntë vende kishin më pak se 10% të fëmijëve të lindur nga nëna të lindura jashtë vendit, me përqindjet më të ulëta të regjistruara në Bullgari, Sllovaki (të dyja 2%) dhe Lituani (3%).

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.