Sa përfitoi bujqësia nga bumi i turistëve? – Rrapaj: U testuan fermerët informalë, kërkohen politika mbështetëse

Bumi turistik në vend gjatë sezonit veror ka bërë  që në sektorin bujqësor këtë vit, përfitues të jenë ata fermerë të “padukshëm”, të paformalizuar, por që kanë qenë furnizuesit kryesore të bujtinave dhe agroturizmeve me produkte lokale. Në një intervistë për SCAN TV,  Kreu i Këshillit të Agrobiznesit Shqiptar, Agim Rrapaj, shprehet se kjo tregon më së miri potencialin që kanë këtë fermerë dhe faktin që duhet të kenë lidhje më të qendrueshme me strukturat e shërbimeve dhe ato akomoduese.

Nga ana tjetër, sipas tij këtu hyn në loje edhe roli i Ministrisë së Bujqësisë për mbështetur këtë segment fermerësh, duke i çuar drejt formalizimit dhe të ardhurave të qendrueshme për familjet e tyre.

Këtë vit, si asnjëherë më parë, Shqipëria ka pasur një rritje të ndjeshme të turistëve të huaj, të cilët u përqendruan jo vetëm në zonat bregdetare, por edhe ato malore apo qytetet historike.

Elisabeta Dosku / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.