Sa përshtaten bizneset shqiptare me ndryshimet klimatike? – Barometri: Vetëm 18% e sipërmarrjeve përdorin energji të rinovueshme

Diamila Leka/ Scan

 

Ndryshimet klimatike kanë rritur ndjeshmërinë e bizneseve shqiptare, kjo krahasuar dhe me vendet e tjera të Ballkanit, disa sipërmarrje në Shqipëri kanë përshtatur masat në kuadër të ndryshimeve klimatike. Por a kemi progresi të tyre?

Sipas Barometrit të Ballkanit, 44% e bizneseve në Shqipëri, reflektojnë në përdorimin e sa më të paktë të materialeve si dhe në minimizimin e mbetjeve. Nga ana tjetër, në saje të anketës, vetëm 18% e bizneseve përdorin energji të rinovueshme.

Ndërkohë, 14% e bizneseve të anketuar besojnë se kryejnë riciklimin duke përdorur materiale ose mbetje nga brenda kompanisë.

Por cili do të ishte ndikimi më i mirë që bizneset të drejtohen drejt tranzicionit të gjebër?

Sipas Barometrit, kuadri ligjor do të jetë mundësia më e mirë për të nxitur bizneset drejt energjisë së rinovueshme apo asaj të gjelbër. Ndërkohë, 29% e bizneseve kërkojnë që të ketë një kuadër ligjor i cili të shtyjnë sipërmarrjet drejt energjisë së rinovueshme etj.

Por, nuk mbeten pas dhe ajo kategori e bizneseve të cilët kërkojnë ndërgjegjësim apo programe të ngjajshme.

Nga të anketuarit 28% besojnë që edukimi apo ndërgjegjësimi do të jetë mënyra më e mirë për të nxitur bizneset që të shkojnë drejt tranzicionit të gjelbër.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.