Kampingjet, sezoni nis me sinjale pozitive/ Vizitorët janë në rritje, ndërsa çmimet mbeten më konkurrueset në rajon
Shqipëria po konsolidon gjithnjë e më shumë pozicionin e saj si një nga destinacionet më të favorshme për turizmin me kamping, falë kostove të ulëta, natyrës së larmishme dhe interesit në rritje nga turistët vendas dhe të huaj. Nga bregdeti i Jonit dhe Adriatikut deri te zonat malore, kampingjet po shndërrohen në një alternativë gjithnjë e më të preferuar për pushuesit që kërkojnë një eksperiencë më pranë natyrës dhe me kosto të përballueshme.Vitet e fundit, krahas rritjes së numrit të turistëve që vizitojnë Shqipërinë, është shtuar edhe numri i personave që zgjedhin kampingjet dhe format e ngjashme të akomodimit.
Edhe viti 2025 u mbyll me rezultate pozitive për këtë sektor, ku numri i vizitorëve në kampingje shënoi rritje të ndjeshme, veçanërisht gjatë sezonit veror. Por si ka nisur viti 2026?
Sipas të dhënave të publikuara nga INSTAT, deri në muajin maj strukturat akomoduese të kategorisë "kampingje, rulot, tenda dhe akomodime të ngjashme" kanë regjistruar një ecuri më të mirë krahasuar me të njëjtën periudhë të një viti më parë. Rritja është bërë më e dukshme gjatë muajit maj, duke sinjalizuar një sezon veror me pritshmëri pozitive.
Statistikat tregojnë se gjatë muajit maj numri i vizitorëve rezidentë arriti në rreth 267 persona, nga 123 që ishte në të njëjtin muaj të vitit 2025, duke shënuar më shumë se dyfishim. Ndërkohë, vizitorët jorezidentë u rritën lehtë, duke arritur në afro 4,900 persona, krahasuar me rreth 4,800 një vit më parë. Edhe pse rritja e turistëve të huaj është më e moderuar, numri mbetet i lartë dhe krijon pritshmëri që fluksi të shtohet ndjeshëm gjatë muajve të verës, kur kampingjet arrijnë zakonisht kapacitetet më të larta të shfrytëzimit.
Avantazhi më i madh i Shqipërisë mbetet çmimi konkurrues. Sipas të dhënave të publikuara nga revista ndërkombëtare Camping.Info, Shqipëria renditet si destinacioni me tarifën më të ulët për kamping në rajon. Mesatarisht, një natë qëndrimi në një kamping shqiptar kushton rreth 14.18 euro, çmim dukshëm më i ulët se në vendet fqinje. Në Serbi, një natë kamping kushton mesatarisht 20.69 euro, në Bosnje -Hercegovinë rreth 18.60 euro, ndërsa në Maqedoninë e Veriut rreth 17.90 euro.
Ky diferencim i çmimeve e bën Shqipërinë një zgjedhje gjithnjë e më tërheqëse për turistët që kërkojnë pushime ekonomike pa hequr dorë nga bukuritë natyrore.
Centrali diellor i Belshit - Impianti 50 MWp nga KESH, lidhet kontrata për shërbimet mbështetëse
Banka Evropiane për Rindërtim dhe Zhvillim ka lidhur kontratën për ofrimin e shërbimeve mbështetëse për parkun fotovoltaik të Belshit, duke shënuar një......
Kursi i këmbimit/ Forcohet Dollari amerikan. Franga zvicerane humbet pikë
Dollari amerikan ka regjistruar rritje të vlerës këtë mëngjes duke u forcuar në raport me ditën e hënë teksa është blerë me 81.8 lekë dhe është shitur me......
Check-Up pa kufi moshe, nisma të reja për të moshuarit - Linjë këshillimi dhe Geriatri, paketë e re për moshën e tretë
Qytetarët mbi moshën 70 vjeç pritet të përfshihen për herë të parë në programin kombëtar të Check-Up falas. Ministria e Shëndetësisë dhe Mirëqenies Sociale......
Modeli evropian i solidaritetit po dështon - Mekanizmi i mbrojtjes civile kundër zjarreve duhet rishikuar
Komisioni Evropian ka paralajmëruar se kapaciteti për shuarjen e zjarreve po vihet në provë deri në kufijtë e tij, pasi zjarret e mëdha në Spanjë dhe Francë......
617 mijë vizitorë në sitet kulturore në gjashtë muaj - Ministri Gonxhja: Vizitorët shtohen, por ritmi bie në qershor
Shqipëria vijon të mbetet një destinacion në rritje për turizmin kulturor. Gjatë gjashtëmujorit të parë të vitit 2026, sitet kulturore në vend janë vizituar......
Gushti, temperatura mbi normalen! - Netë tropikale në vendet mesdhetare. Edhe Britania në 35 gradë
Evropa po përgatitet për një gusht “më të ngrohtë se normalja”, pas një serie valësh të nxehti njëra pas tjetrës. Pjesa më e madhe e kontinentit ka pasur......
Spanja thyen rekorde në turizëm - Por, një në tre spanjollë nuk mund të përballojë pushimet
Spanja pritet të thyejë rekorde të reja në turizëm këtë verë, por një në tre banorë nuk mund të përballojë të kalojë një javë larg shtëpisë me pushime. Midis......
Italia riaktivizon uljen e akcizës për karburantet - Nëse çmimet qendrojnë të larta, do të merren masa të tjera lehtësuese
Italia ka riaktivizuar uljen e përkohshme të akcizës për naftën, mes protestave të përhapura në shumë qytete, kundër kostove në rritje të energjisë dhe......
