Serbia dhe Kosova bien dakord për bisedime të mëtejshme për të ulur tensionet në Ballkan!

Udhëheqësit e Serbisë dhe Kosovës zhvilluan bisedime të nivelit të lartë të krizës të enjten, të cilat ndërmjetësuesit e Bashkimit Europian shpresojnë se do të de-përshkallëzojnë tensionet në rritje në Ballkan, ku Rusia është përpjekur të rrisë më tej ndikimin e saj në mes të luftës në Ukrainë.

Shpresat se takimi i rrallë ballë për ballë mes presidentit serb Aleksandar Vuçiç dhe kryeministrit të Kosovës Albin Kurti, i mbajtur në Bruksel, mund të prodhonte një përparim të madh ishin të pakta.

Por zyrtarët që mbikëqyrin bllokimin prej dekadash midis dy fqinjëve shpresonin se kjo të paktën do të reduktonte retorikën gjithnjë e më nxitëse të luftës që vinte nga të dyja palët.

Shefi i politikës së jashtme të BE-së, Josep Borrell, foli pas takimit trepalësh dhe sesioneve të veçanta kokë më kokë me të dy liderëve, duke deklaruar se bisedat çuan që Vuçiç dhe Kurti të bien dakord për bisedime të mëtejshme “për të kërkuar zgjidhje me mirëbesim”.

“Mendoj se edhe presidenti Vuçiç edhe kryeministri Kurti e kuptuan se dialogu nuk ka alternativë për zgjidhjen e këtij problemi”, tha Borrell, duke shtuar se edhe pse ka dallime të konsiderueshme për statusin përfundimtar të marrëdhënieve mes të dyve, “ ata ranë dakord që të vazhdojnë diskutimet në baza të rregullta në periudhën e ardhshme”.

As Vuçiç dhe as Kurti nuk kanë bërë asnjë deklaratë gjatë qëndrimit në Bruksel, ku zyra e të parit ka njoftuar se të premten do të ketë një takim me përfaqësuesit e minoritetit etnik serb në veri të Kosovës.

Ndërkohë, të dy liderët ballkanikë u tha se do të marrin pjesë në takime të mëtejshme me Përfaqësuesin Special të BE-së për Dialogun Beograd-Prishtinë Miroslav Lajçak dhe përfaqësuesin e SHBA-së për Ballkanin Perëndimor Gabriel Escobar të enjten në mbrëmje.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.