Sërish rritje të normave nga FED – Sipas Goldman Sachs, gjatë vitit 2023 priten dhe tre ndërhyrje të tjera

Goldman Sachs tha se pret që Rezerva Federale e Shteteve të Bashkuara të Amerikës të rrisë normat e interesit edhe tre herë të tjera këtë vit me një çerek pikë përqindjeje secila, pasi të dhënat e kësaj jave treguan për inflacion të vazhdueshëm dhe elasticitet në tregun e punës.

Çmimet e prodhimit u përshpejtuan në janar me marzhin më të madh në shtatë muaj, ndërsa një raport i Departamentit të Punës tregoi se numri i amerikanëve që paraqisnin kërkesa të reja për përfitimet e papunësisë ra papritur javën e kaluar. Ekonomistët në vend u shprehën se në dritën e rritjes më të fortë dhe lajmeve më të fundit për inflacionin, po i shtohet një rritje me 25 pikë bazë normës në qershor, në parashikimin e tyre të Fed, për një normë maksimale të fondeve prej 5.25-5.5%.”

Ndërkohë, tregjet e parasë aktualisht po vlerësojnë në një normë terminale prej 5.3% deri në korrik. Pas të dhënave të fundit të SHBA, banka europiane e investimeve UBS tha se pret që banka qendrore të rrisë normat me 25 pikë bazë në takimet e saj të marsit dhe majit, gjë që mund të lërë normën e fondeve të Fed në intervalin 5 – 5.25%.

Ndërkohë pritet që FOMC – Komiteti Federal i Tregut të Hapur – të shënojë një kthesë dhe të fillojë të ulë normat e interesit në takimin e shtatorit,

J.P.Morgan, përpara të dhënave të fundit të SHBA-së, kishte parashikuar normën e terminalit në 5.1% deri në fund të qershorit, ndërsa BofA Global Research e kishte parashikuar atë në intervalin 5 – 5.25% deri në fund të vitit.

Një numër i konsiderueshëm ekonomistësh të anketuar nga Reuters para të dhënave më të fundit thanë se prisnin që FED të rriste normat të paktën dy herë më shumë në muajt e ardhshëm, me rrezikun që ato të rriten akoma, megjithëse asnjëri prej tyre nuk pret një ulje të normës këtë vit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.