SHBA bllokoi TikTok, reagon Kina: hiqen WhatsApp dhe Threads – Facebook dhe Instagram ishin dy aplikacione të bllokuara prej kohësh

Përdoruesit e Apple në Kinë nuk do të mund të gjejnë as shkarkojnë aplikacionet WhatsApp dhe Threads nga App Store sipas Wall Street Journal. Kompania tha se ka tërhequr aplikacionet nga dyqani pas kërkesës nga Administrata e Hapësirës Kibernetike, rregullatori Kinez i komunikimeve elektronike, për shkak të shqetësimeve të sigurisë. Firewalli i Madh i Kinës bllokon aplikacionet dhe teknologjitë e huaja në vend çka ka bërë që shumë përdorues të shfrytëzojnë VPN-të për ti aksesuar ato.

Facebook dhe Instagram janë dy prej aplikacioneve që janë bllokuar prej kohësh por WhatsApp dhe Threads kanë qenë të disponueshme deri më sot. Rregullatori Kinez mori masa pasi senati Amerikan votoi në favor të dëbimit të TikTok nga Shtetet e Bashkuara. ByteDance ka afat 1 vit për të shitur filialin Amerikan të TikTok ose rrezikon të dëbohet nga dyqanet e aplikacioneve.

Ndërkohë dy ditë më parë, sipas një lajmi të PCWorld Albanian, TikTok lançonin aplikacionin e ri për të konkurruar me Instagram. “Jemi në fazat e para të eksperimentimit me një hapësirë të dedikuar për foto dhe tekst me TikTok Notes. Duke filluar nga dita e sotme, TikTok Notes është i disponueshëm për shkarkim vetëm në Australi dhe Kanada,” shkruante kompania në rrjetin social X.

TikTok shpreson që njerëzit do të përdorin aplikacionin për të ndarë momentet e tyre të veçanta përmes fotove. Me aplikacionin e ri TikTok po synon jo vetëm të rivalizojë Instagram, por edhe ta tejkalojë atë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.