Shtyhen regjistrimet në shkolla si pasojë e sulmit kibernetik – Ministria Arsimit: Nuk do të ketë pasoja në aplikime!

Ministria e arsimit ka njoftuar se për shkak të sulmit kibernetik ndaj platformës e-Albania, e cila ndikon edhe procesin e regjistrimit për nxënësit në klasa të para dhe të dhjeta, ka vendosur që afatin e regjistrimeve ta shtyjmë deri në një datë të pacaktuar.

“Dëshiroj të garantoj prindërit dhe nxënësit se kjo ndërprerje nuk do të ndikojë aspak në procesin e regjistrimit, dhe se çdo nxënës do të ketë mbështetjen tonë të nevojshme deri në finalizimin e procesit”, shkruhet në deklaratë.

Në njoftim thuhet se së shpejti do të publikohet njoftimi për rihapjen e aplikimeve dhe afatet e reja të regjistrimit.

E . S / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.