Si do të zerohet TVSH-ja për projektet me grante? – Procedura e regjistrimit për kontraktorët, Kod Unik për çdo investim

Furnizimi i mallrave dhe shërbimeve, të destinuara për realizmin e projekteve të financuara me fonde të marra në bazë të një marrëveshje donacioni apo granti, të lidhur midis Këshillit të Ministrave të Republikës së Shqipërisë dhe donatorëve të huaj, si furnizime të ngjashme me eksportet do të trajtohen me TVSH zero. Udhëzimi i Ministrisë së Financave i botuar në Fletoren Zyrtare,  në lidhje me ndryshimet në ligjin për Tatimin Mbi Vlerën e Shtuar detajon procedurën se si subjektet mund të përfitojnë nga kjo lehtësi fiskale, ndërsa përcakton se në marrëveshjen e nënshkruar mes palëve, duhet të jetë parashikuar se fondet  e  marra  nuk  do  të  përdoren për të paguar tatime në Shqipëri.

Sipas udhëzimit në fjalë, për të siguruar trajtimin me shkallën tatimore të TVSH- së zero për qind, zbatuesi ose përfituesi i projektit (kur nuk ka zbatues), kontraktorët, të jenë të  regjistruar për  TVSH –në në organet tatimore. Regjistrimi mundëson lëshimin e  faturave tatimore  me  TVSH zero  për  qind  për  furnizime  brenda  vendit  nga kontraktorët, si dhe pranimin e këtyre faturave nga zbatuesit/përfituesit   e   projektit.

Po ashtu, është detyrim regjistrimi i zbatuesit/përfituesit të projektit në  Agjencinë  Shtetërore  të  Programimit  Strategjik dhe Koordinimit të Ndihmës (SASPAC), ku ky institucion pas verifikimit të dokumentacionit lëshon  Certifikatën   e   Regjistrimit   të   Projektit, e cila përmban elementë përmban  elementet si:  emërtimi  i  projektit,  data  e  fillimit  dhe  data  e  përfundimit, vlera fillestare e financimit, të  dhënat    e  zbatuesit  dhe  përfituesit  ,  si dhe Kodin  Unik  të  Identifikimit  të  Projektit. Këto dokumente dorëzohen në Drejtorinë Rajonale të Tatimeve përkatëse.

Drejtoria Rajonale Tatimore  regjistron  në  një  regjistër  të veçantë kontraktorin/ët  dhe/ose zbatuesin/përfituesin  e  projektit,  si  dhe  brenda  5 ditëve  pune,  lëshon  certifikatën  për  efekt  të trajtimit  si  furnizim i  përngjashëm  me  eksportet, Kjo    certifikatë    është    e    vlefshme    deri    në përfundimin    e    projektit,    sipas    kritereve    të parashikuara në marrëveshje. Kodi   Unik   i   Identifikimit   të   Projektit,   i përcaktuar  në certifikatën  e  lëshuar  nga  SASPAC, do  të  evidentohet  në  çdo  faturë  të  lëshuar  me TVSH    zero    për    qind    nga    kontraktori    për zbatuesin/përfituesin  e  projektit,  si  dhe  në  çdo faturë    që    furnizuesit    e    mallrave/shërbimeve (qofshin  këto  furnizime  të  tatueshme  me  TVSH apo  të  përjashtuara  nga  TVSH-ja)  lëshojnë  për kontraktorin e miratuar.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.