Si t’i bëni pushimet tuaja të ardhshme më të mira për mjedisin?!

Të qenit një turist miqësor ndaj mjedisit mund të jetë sfiduese. Turizmi është një industri që sjell shumë ndikime negative mjedisore, kënaqësia jonë shpesh vjen në kurriz të habitateve lokale ose kafshëve të egra. Gjiri Maya në ishullin e pabanuar të Tajlandës Ko Phi Phi Leh u bë i famshëm si vendndodhja e filmit të Hollivudit të vitit 2000 “The Beach”. Por kjo çoi në rritjen e shpejtë të vizitorëve të gjirit deri në 8,000 në ditë në kulmin e tij dhe krijoi probleme të mëdha habitateve natyrore të gjirit.

Në vitin 2018, gjiri u mbyll për turistët për katër vjet për të lënë shkëmbinjtë e tij koralorë dhe kafshët e egra të rimëkëmbeshin. Por turizmi mund të jetë gjithashtu një mënyrë frymëzuese për t’u lidhur me veten, me të tjerët dhe me vende të reja. Si turistë, ne mund të mësojmë, të ndajmë dhe të kontribuojmë në praktikat pozitive mjedisore.

Si turist keni edhe influencë. Paratë që shpenzoni, ndërveprimet sociale që keni dhe burimet që konsumoni, të gjitha ndihmojnë për të formuar një zonë. Katër këshilla për t’i bërë pushimet tuaja të ardhshme më të mira për mjedisin:

Shpenzoni në nivel lokal

Të gjithë kemi dëgjuar variante të mantrës “merr vetëm kujtime, lër vetëm gjurmë”. Ky mesazh për më pak konsum dhe ndikim më të ulët është një etikë e mirë për turizmin e ndjeshëm ndaj mjedisit. Gjëja e parë që duhet të bëni është të mendoni se si mund të lini më shumë gjurmë pozitive pas. Një mënyrë e shkëlqyer për të përfituar sa më shumë nga gjurmët tuaja ekonomike është të qëndroni dhe të blini në biznese të pavarura. Këto biznese priren të paguajnë taksa vendore dhe janë në pronësi dhe punësojnë banorë vendas. Si rezultat, më shumë nga paratë që shpenzoni mbeten në zonën e afërt.

Minimizoni kunsumin

Turizmi krijon mbeturina dhe konsumon burimet. Duke ecur me kujdes do të minimizoni ndikimin mjedisor që keni në destinacionin tuaj të pushimeve. Një mënyrë e thjeshtë për të ulur gjurmën tuaj mjedisore është të përdorni më pak burime në çdo fazë të pushimeve tuaja. Një turist i vetëm përdor mesatarisht 300 litra ujë në akomodimin e pushimeve çdo natë. Ripërdorimi i peshqirëve, shpëlarja më pak e tualetit dhe shkurtimi i kohës së dushit mund të ndihmojnë në uljen e kërkesës për burime ujore.

Të mendosh për gjurmët që lë si turist është një mendim i dobishëm. Ju madje mund të bëheni më të vetëdijshëm për trashëgiminë pozitive që mund të lini pas. Mësoni rreth zonës lokale dhe çështjeve mjedisore që kanë rëndësi atje. Nëse humbja e habitatit është problem, kontribuoni në organizatat lokale që mbështesin ruajtjen.

Vendi ka rëndësi

Turizmi ju largon nga e njohura dhe ju jep hapësirë për vetë-reflektim. Hulumtimet kanë zbuluar se njerëzit janë frymëzuar nga udhëtimet për të bërë ndryshime në jetë, si zhvendosja ose ndërrimi i karrierës. Shumë alpinistë të etur për shkëmbinj, për shembull, adoptojnë një mënyrë jetese minimaliste dhe të lëvizshme. Një studim mbi stilin e jetesës së alpinistëve në SHBA tregoi se sfidat e jetës në rrugë, mbledhjet në kampe dhe sasia e konsiderueshme e kohës së kaluar në natyrë mund të jenë pasuruese.

Qëndroni kurioz

Gjëja e fundit që mund të bëni si turist është të vazhdoni të eksploroni. Mund të jetë joshëse të qëndroni në një flluskë turistike dhe të mos dilni nga kufijtë e resortit tuaj ose të rrini me grupe dhe aktivitete të njohura të udhëtimit. Kroçierat janë një shembull klasik i turizmit flluskë. Vendet e vizituara nuk kanë shumë rëndësi; hoteli lundrues është atraksioni kryesor.

Por turizmi i lundrimit rrallë jep përfitime për popullsinë vendase dhe sjell ndikime të rëndësishme negative mjedisore. Pushimet në qytet me distanca të shkurtra janë një opsion më miqësor ndaj mjedisit. Udhëtarët në këto destinacione kanë më shumë gjasa të përdorin mjete transporti që shoqërohen me më pak emetim të CO₂ sesa udhëtimet në distanca të gjata, si trenat ose autobusët.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.