Situata e zjarreve në Shqipëri – Vatrat aktive dhe zonat tashmë të izoluara

Ministria e Mbrojtjes në një deklaratë për shtyp ka bërë me dije se gjatë 24 orëve të fundit janë raportuar 16 vatra zjarri dhe deri më tani është bërë i mundur izolimi i vatrave në:

• Fshatin Halil, bashkia Krujë.
• Fshatin Velçan, bashkia Berat.
• Fshatin Bogë dhe Fshatin Flakë bashkia Malësi e Madhe.
• Fshatin Shkallnur, bashkia Durrës.
• Fshatin Barbullush, bashkia Vau – Dejës.
• Fshatin Shargë, bashkia Vorë.
• Fshatin Shijon, bashkia Elbasan.
• Fshatin Shtëpanjë, bashkia Cërrik.
• Fshatin Qaf Shkallë, bashkia Belsh.
• Fshatin Gravë – Burimi Merkos, bashkia Finiq.
• Fshatin Helshan, bashkia Has.
• Fshatin Dragobi, bashkia Tropojë.

Sipas informacionit zyrtar në aksionet për shuarjen e flakëve gjatë 24 orëve të fundit janë angazhuar 436 efektivë zjarrfikës, Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor, forca vullnetare, 29 mjete zjarrfikëse dhe një helikopter.

Sipas njoftimit aktualisht janë aktive vatrat në:

• Fshatin Ndërshen, bashkia Mirditë.
• Fshatin Vinjollë, bashkia Kurbin.
• Fshatin Qukës Skëndërbej, bashkia Prrenjas.

Ministria e |Mbrojtjes u bën thirrje banorëve të territorit të Republikës së Shqipërisë të jenë të kujdesshëm dhe të raportojnë në kohë pranë shërbimit zjarrfikës çdo vatër zjarri dhe rikujton se zjarrvënia e qëllimshme dënohet sipas ligjit.

E . S / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.