Stuhia/Ministrja e Infrastrukturës dhe kreu i ARRSH inspektim në akset kombëtare: 1100 punonjës e 110 borëpastruese në terren
Situata e rënduar e motit me stuhi, reshje bore, temperatura të ulëta e shi ka nxjerrë në terren 1100 punonjës dhe 110 borëpastruese në mbarë vendin. Zëvëndëskryeministrja dhe ministrja e Infrastrukturës Belinda Balluku dhe kreu i Autoritetit Rrugor Shqiptar Evis Berberi apeluan për të evituar lëvizjet e panevojshme në këto kushte, derisa të ketë një normalizim të situatës së motit. Ndërsa ndodhej në rrugën e Arbrit ku ishte bllokuar qarkullimi si rrjedhojë e stuhisë së borës, zëvëndëskryeministrja informoi se në terren janë jo vetëm ekipet e Autoritetit Rrugor Shqiptar dhe borëpastruese por edhe ekipet e OSHEE-së për të riparuar defektet e shkaktuara dhe për të rikthyer sa më shpejt energjinë elektrike.
“Ka pasur stuhi në shumicën e vendit. Në rang vendi kemi 110 borëpastruese që qarkullojnë në mbarë vendin. Në Dibër kemi 24 fidera që kanë pësuar avari në këto momente. Do të punohet gjithë natën për të kthyer energjinë në zonat që ka pasur shkëputje. Atje ku s’ka reshje bore, ka reshje shiu dhe do të ishte mirë të evitoheshin lëvizjet” tha zëvëndëskryeministrja.
SCAN
https://fb.watch/oxWRa2PNnn/?mibextid=v7YzmG
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.