Taksimi i crypto-ve, ekspertët: I padrejtë – Eni Shtini: Drafti i Ministrisë së Financave të rishikohet, tatimi të mbahet pas shitjeve!
Komuniteti i kriptoentuziastëve duket se nuk e ka pritur mirë draftin e Qeverisë për taksimin e fitimeve nga prodhimi i monedhave virtuale.
Eksperti Eni Shtini thotë drafti parashikon që tatimi të paguhet në momentin e emetimit të monedhave dixhitale, ndërkohë që kjo duhet të ndodhë vetëm pas shitjes së tyre
Drafti i Ministrisë së Financave për të përfshirë në skemën e taksimit fitimet nga monedhat dixhitale është pritur me shqetësim nga komuniteti i sipërmarrësve të këtij tregu.
Eksperti Eni Shtini thotë drafti parashikon që tatimi të paguhet në momentin e emetimit të monedhave dixhitale, ndërkohë që kjo duhet të ndodhë vetëm pas shitjes së tyre.
Vjelja e tatimfitimit përpara shitjes, sipas Shtinit, do të vinte në vështirësi prodhuesit.
Shtini thotë se rënia e fortë e kriptomonedhave mund të sjellë edhe uljen e interesit për prodhuesit shqiptarë, për shkak se ulja e vlerës së tyre, sjell edhe pakësimin e fitimeve nga prodhimi.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.