Tenderat e tërmetit, Kushtetuesja rrëzon padinë kundër Qeverisë – Gjykata: Nuk u arrit numri i kërkuar i votave për vendimmarrje lidhur me afatin 2 vjeçar të kërkesës

Gjykata Kushtetuese ka rrëzuar kërkesën për shfuqizimin e Aktit Normativ të Qeverisë përmes të cilit u përcaktuan procedurat e tenderimit për kompanitë që do përfshiheshin në procesin e rindërtimit. Në njoftimin e shkurtuar, Gjykata sqaron se  nuk u arrit numri i kërkuar i votave për vendimmarrje, lidhur me legjitimimin e kërkuesit për vënien në lëvizje të këtij gjykimi kushtetues për sa i përket momentit nga i cili fillon të llogaritet afati 2-vjeçar i paraqitjes së kërkesës

Gjykata Kushtetuese ka rrëzuar kërkesën për shfuqizimin e pjesshëm të Aktit Normativ të Qeverisë të dhetorit 2019, përmes të cilit u përcaktuar procedurat e përzgjedhjes së kompanive që do rindërtonin objektet e shkatërruara ngë tërmeti i 26 nëntorit. Aktorë të Shoqërisë Civile, të mbështetur edhe nga Deputetë të Kuvendit kërkuan në atë kohë shfuqizimin e pjesshëm me akuzën se Akti favorizonte operatorë të mëdhenj e krijonte pabarazi në garën për fitimin e tenderave.

Gjyaka Kushtetuese në datën 28.06.2022 e mori atë në shqyrtim në seancë plenare publike padinë me objekt: “Shfuqizimin pjesërisht të ligjit nr. 97/2019 “Për miratimin e aktit normativ me fuqinë e ligjit nr. 9, datë 16.12.2019 të Këshillit të Ministrave “Për përballimin e pasojave të fatkeqësive natyrore””, si të papajtueshëm me Kushtetutën e Republikës së Shqipërisë. Pezullimin pjesërisht të zbatimit të ligjit nr. 97/2019 “Për miratimin e aktit normativ me fuqinë e ligjit nr. 9, datë 16.12.2019 të Këshillit të Ministrave “Për përballimin e pasojave të fatkeqësive natyrore””.

Ndërsa pritet vendimi i arsyetuar, në njoftimin e shkurtuar për këtë vendimmarrje, Gjykata Kushtetuese konstatoi se nuk u arrit numri i kërkuar i votave për vendimmarrje, në lidhje me legjitimimin të kërkuesit për vënien në lëvizje të këtij gjykimi kushtetues për sa i përket momentit nga i cili fillon të llogaritet afati 2-vjeçar i paraqitjes së kërkesës, pra nëse llogaritet nga koha e hyrjes në fuqi të aktit normativ me fuqinë e ligjit apo të ligjit miratues të tij. Shkak për të cilin, sipas saj, u vendos edhe rrëzimi i padisë.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.