Targeti i 2024 për uljen e humbjeve teknike të energjisë, Balluku: Investime për nënstacione të integruara. Pas OST, radha e OSSH

Zëvëndëskryeministrja dhe ministrja e Infrastrukturës Belinda Balluku ka inspektuar nënstacionin e Kuçovës, ku pajisjet e vjetra të viteve ’50-’60 janë zëvëndësuar dhe janë instaluar panele të reja të komandimit dhe mbrojtjes. Në një postim në rrjetet sociale, Balluku shprehet se “nënstacionet e integruara janë tashmë çelësi i suksesit përsa i përket investimeve në kapacitetet e energjisë elektrike”. Balluku paralajmëron ndërhyrje të mëtejshme në rrjet, për të arritur objektivin e vendosur nga Ministria që ajo drejton, që niveli I humbjeve teknike të arrijë në fund të vitit në nivelin 17.96 %.

“Nënstacionet e integruara janë tashmë çelësi i suksesit përsa i përket investimeve në kapacitetet e energjisë elektrike. Kështu është edhe rasti i nënstacionit të Kuçovës ku OST ka investuar duke përmirësuar parametrat teknikë, si dhe rritur sigurinë e furnizimit me energji elektrike.

Pajisjet e vjetra, të cilat ishin prodhime të viteve ’50 – ’60, janë zëvendësuar dhe janë instaluar panele të reja të komandimit dhe mbrojtjes.

Tashmë është radha e OSSH për të vijuar me investimet në këtë nënstacion, për të arritur parametrat e kërkuar edhe për uljen e humbjeve, që në 31 dhjetor të vitit 2024, duhet të kapin targetin e vendosur nga Ministria e Infrastrukturës dhe Energjisë prej 17.96% humbje teknike” shkruan ministrja e Infrastrukturës dhe Energjisë në faqen zyrtare në Facebook.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.