Të parët në rajon dhe Europë për “largimin e trurit” – Indeksi i Shqipërisë 8.3, pranë Xhamajkës dhe Somalisë. Ja kalojmë dhe vendeve në luftë.

Për ikjen e njerëzve, por dhe të largimit të trurit, Shqipëria rendit vendi i parë në Europë me mesataren më të lartë, në nivelin 8.3. Analiza e kryer nga forumi “The Global Economy” për 177 vende të botës e rendit vendin tonë ndër të parët në Europë për emigracionin.

Nga 10 si vlera më e lartë, Shqipëria shënon 8.3  të indeksit të largimit për periudhën kohore 2007-2022, më e lartë se mesatarja europiane 3.66 por dhe ajo botërore 5.21. Pas Shqipërisë renditet Moldavia, Bosnje Hercegovina, Maqedonia e Serbia.

Në rang botëror Shqipëria rendiet e 8-ta pas shteteve si Samoa, Xhamajka, Palestina, Micronesia, Somali, Eritrea etj. Vendi ynë ka tejkaluar edhe normat e emigracionit me Sirinë apo Afganistanin të cilat janë vende në luftë. Këto shtete renditen disa vende poshtë Shqipërisë

Edhe në  nivel rajonal, kryesojmë si shtet. Për të diplomuarit Shqipëria ka ndjeshëm normën më të lartë edhe se Bosnjë-Hercegovina e cila renditet e dyta në nivelin 6.8, ndjekur nga Maqedonia e Veriut me 6.6, Serbia 6 dhe Mali i Zi me 4.9.

Teksa ndër vite Shqipëria është përballur me emigracionin, së fundmi ajo po përballet edhe me largimin e të diplomuarve. Më së shumti në mjekësi, farmac, infiermeri dhe ekonomi. Profesione të cilat janë më të kërkuara në shtetet europiane.

Marinela Lina / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.