Tregu i përbashkët energjetik me Kosovën – Bursa e energjisë, ERE cakton agjentin e transferimit

Enti Rregullator i Energjisë ka caktuar agjentin e transferimit për Bursën Shqiptare të Energjisë Elektrike, duke plotësuar këtë instrument me një hallkë të nevojshme për bashkimin e tregjeve energjetike mes Shqipërisë dhe Kosovës.

Në mbedhjen e fundit u përcaktuar se ky rol do të luhet nga ALPEX SHA, ndërkohë që vendimi do të hyjë në fuqi në momentin që bashkimi i 2 tregjeve do të bëhet efektiv.

“Agjent transferimi” është subjekti që ka për detyrë transferimin e pozicioneve neto ndermjet Paleve Qendrore te ndryshme. Ai mund të veprojë si kundërpalë ndërmjet kundërpalëve të ndryshme qendrore për shkëmbimin e energjisë elektrike, nëse palët e interesuara lidhin një marrëveshje specifike për këtë qëllim.

Ola Mitre / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.