Tregu monetar, i qëndrueshëm – Ndikon rënia e yield-it të obligacioneve në SHBA

Dollari amerikan është dobësuar lehtë në sesionin e sotëm, pasi investitorët kanë reaguar ndaj rënies së yield-it të obligacioneve në Shtetet e Bashkuara të Amerikës, që u ndikua nga komentet e bëra nga zyrtarët e Rezervës Federale, në lidhje me normat e interesit.

Gjithashtu, investitorët po presin edhe procesverbalin e takimit të shtatorit të rezervës Federale, që do të publikohet të premten, ndërsa janë të fokusuar edhe te konflikti mes Izraelit dhe Hamasit.

Euro po qëndron në rritje të lehtë me rreth 0.1% dhe po tregtohet në rreth 1.058 dollarë. ndërkohë, Bloomberg raportoi se Kina po vlerëson emetimin e rreth 1 trilionë juan ose rreth 137 miliardë dollarë borxh shtesë, shpenzime që do të shkojnë për të mbështetur ekonominë në ngadalësim.

Indeksi që mat ecurinë e dollarit amerikan, përballë shportës me 6 monedhat kryesore ndërkombëtare ka zbritur pranë 106, duke u tërhequr nga niveli më i lartë në 11 muajt e fundit prej 107.3 të regjistruar javën e kaluar.

Ndërkohë, monedha e Izraelit, shekel ka rënë drejt 3.95 në raport me dollarin amerikan, niveli më i ulët në 8 vitet e fundit, pavarësisht se Banka Qendrore e Izraelit se do të shesë 30 miliardë dollarë në monedhë të huaj.

Lidion Kulla / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.