Turistët anulojnë rezervimet në Malin e Zi – Shkak, mungesa e dëborës në Kolashin

Për shkak të mungesës së borës në Kolashin, rezervimet janë anuluar, pothuajse nuk ka vizitorë, edhe pse përgatitjet për sezonin kanë kohë që kanë përfunduar.

Menaxherët e qendrës së skijimit shpehen se makineritë kanë përfunduar servisin, teleferiku është rinovuar dhe stafi është gati. Por ata shtojnë se aktualisht nuk ka vizitorë pasi nuk ka dëborë.

Të gjithë sytë janë drejtuar nga parashikimet i motit, i cili premton reshje dhe kur bie dëbora dhe turistët ftohen të konsumojnë mëngjesin në restorant, ku do t’u duhet të paguajnë gjashtë deri në dhjetë euro, ndërsa dreka do t’u kushtojë të paktën tetë. Sipas stafit të shërbimit çmimet janë në të njëjtin nivel me atë të vitit të kaluar.

Një pjatë tipike me mish kushton 13 euro, ndërsa çmimi i çajit është 2 euro, dhe çmimi i kafesë ekspres deri në 2.20 euro. Sipas operatorëve turistikë aktualisht mund të gjeni një apartament për dy persona në qendër në shuma 35-40 euro. Ata janë të bindur se çmimet nuk mund t’i largojnë mysafirët e Kolashinit. Por edhe pse u përpoqën të pasurojnë ofertën në qendër të qytetit, anulimi i rezervimeve vazhdon.

Dhe, për të pasur një sezon të suksesshëm, u është dërguar një apel autoriteteve që nëse së shpejti bie dëborë, të shqyrtojnë mundësinë e zgjatjes së pushimeve shkollore.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.