Ukrainë, të korrat e grurit reduktohen 42% – Sasia do të bjerë në 19.2 milionë ton, në krahasim me 33 milionë të vitit 2021

Të korrat e grurit në Ukrainë në vitin 2022, do të bien në 19.2 milion ton, krahasuar me sasinë rekord prej 33 milion ton në vitin 2021. Shifra u konfirmua nga sindikata e tregtarëve të drithërave UGA,  tha të mërkurën sindikata e tregtarëve të drithërave ukrainase UGA, megjithëse reduktimi i eksporteve kanë çuar stoqet në nivele rekord.

Zyrtarë dhe analistë ukrainas thonë se pengesat në shumë rajone mund ta bëjnë të pamundur korrjen, megjithëse sindikata nuk specifikoi zyrtarisht një arsye për uljen e saj. UGA tha se prodhimi i misrit të këtij viti mund të bjerë në 26.1 milion ton nga 37.6 milion ton në 2021, ndërsa prodhimi i elbit mund të bjerë në 6.6 milion ton nga 10.1 milion ton.

Sindikata pret që Ukraina të jetë në gjendje të eksportojë 10 milion ton grurë dhe 15 milion ton misër, megjithëse kapaciteti aktual i eksportit nuk mund të kalojë 18 milion ton për të gjithë sezonin.

Në deklaratën e saj UGA sqaron se në të njëjtën kohë, eksportet nga Ukraina në sezonin e ri mund të arrijnë në 30 milionë tonë, por për të arritur këtë objektiv duhet që kapaciteti i xhiros së kalimit të produktit në kufijtë e Ukrainës të dyfishohet.

Në kohë paqeje, Ukraina, një prodhues dhe eksportues i madh global i drithërave, dërgonte jashtë vendit deri në 6 milionë tonë drithëra në muaj. Eksportet e saj ranë ndjeshëm pasi portet e Detit të Zi u bllokuan për shkak të pushtimit rus që nisi më 24 shkurt. Eksportet e grurit arritën në rreth 1.06 milion ton në maj, krahasuar me 1.1 milion ton në prill.

Sindikata tha se rezervat e grurit mund të arrijnë një rekord prej 25 milion ton për shkak të rënies së ndjeshme të eksporteve dhe mund të arrijnë në 43 milion ton në skenarin më të keq, në fund të sezonit të ardhshëm.

Në një moment që Ukraina ka të garantuar rezerva të mjaftueshme drithërash, vendet e tjera në botë nuk do të marrin një sasi të konsiderueshme drithërash nga Ukraina për shkak të luftës. Gjë që do të çojë në çmime më të larta për prodhimet ushqimore dhe inflacion, edhe në vendet e zhvilluara.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.