Vokswagen drejt zgjidhjes së mungesës së çipave – Prodhuesi më i madh i makinave në Evropë do të zhvillojë gjysmëpërçues të ri me STMicro

Volkswagen i Gjermanisë dhe prodhuesi franko-italian i çipave STMicroelectronics do të bashkë-zhvillojnë një gjysmëpërçues të ri mes një problemi global të mikroçipëve që ka tensionuar zinxhirin e furnizimit të industrisë së makinave, thanë kompanitë.

Lëvizja ilustron se si Volkswagen, prodhuesi më i madh i makinave në Evropë, po përpiqet të fitojë kontroll më të madh mbi furnizimin e çipave, që gjenden në numër gjithnjë e më të madh në automjetet e gjeneratës së re dhe me emetim të ulët të karbonit.

Është marrëdhënia e parë direkte e Volkswagen me furnizuesit e gjysmëpërçuesve të rangut të dytë dhe të tretë, një lëvizje që drejtuesit e kanë lënë të kuptohet që kur mungesa e çipit goditi industrinë e automobilave në fund të 2019.

Njësia e softuerit Volkswagen Cariad dhe STMicro janë vendosur të bashkë-dizajnojnë çipin e ri, i cili do të jetë pjesë e familjes së mikrokontrolluesve të gjysmëpërçuesve Stellar, thanë kompanitë në një deklaratë.

Të dyja kompanitë “po lëvizin për të rënë dakord” që Taiwan Semiconductor Manufacturing Company (TSMC) do ta prodhojë atë, thuhet në deklaratë.

Mungesa globale e gjysmëpërçuesve i ka lënë prodhuesit e automjeteve në mbarë botën të paaftë për të servisuar librat e plotë të porosive me automjete të papërfunduara që bllokojnë magazinat për muaj të tërë dhe pa një fund të qartë në horizont.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.