Xi Jinping po ndërton qytetin e ëndrrave – Përmbytjet shkatërruese po ngrenë pikëpyetje rreth planit të tij!

Në një ditë gri në fund të shkurtit 2017, udhëheqësi kinez Xi Jinping u mblodh me një grusht këshilltarësh të afërt për të vëzhguar fushat e mbjella dhe ligatinat e ndotura rreth 100 kilometra në jug të kryeqytetit Pekin. Pak më shumë se një muaj më vonë, e ardhmja e këtyre zonave të brendshme do të ndryshonte në mënyrë drastike, pasi Kina njoftoi planin e Xi-së me “rëndësi 1000-vjeçare” për ta transformuar zonën në një qendër miqësore me mjedisin, të teknologjisë së lartë që do të shërbente si nënkryeqytet i vendi dhe një model i ri për planifikimin urban.

Në atë kohë, plani për të nisur “Zonën e Re Xiong’an” ngriti pyetje, duke përfshirë mënyrën se si qyteti i ri do të përballej me sfidat mjedisore të njohura se mundojnë zonën e ulët, moçalore, e cila është e prirur ndaj përmbytjeve dhe thatësirës. Gjashtë vjet më vonë, këto pyetje janë kthyer pasi Pekini dhe provinca përreth Hebei, ku ndodhet Xiong’an, përballen me pasojat nga shirat rekord dhe përmbytjet që vranë dhjetëra dhe zhvendosën më shumë se 1.5 milion njerëz në fund të korrikut dhe fillim të gushtit.

Zonat kryesore urbane të Xiong’an, ku zyrat për dhjetëra ndërmarrje shtetërore janë në ndërtim e sipër, nuk raportuan përmbytje të mëdha. Por shkatërrimi përreth ka nënvizuar shqetësimet rreth vendimit për të ndërtuar një qytet shumë miliardë dollarësh në një fushë të rrezikuar nga përmbytjet.

Gjithashtu ka ngritur pyetje në lidhje me masën në të cilën qyteti i ëndrrave të Xi dhe presioni politik për ta mbrojtur atë ndikuan në mënyrën se si zyrtarët morën vendime për menaxhimin e ujërave të përmbytjeve nga një stuhi, e cila ishte ngjarja më e rëndë e përmbytjeve në rajon që nga ndërtimi i Xiong’an.

Xiong’an shihet gjerësisht si përgjigja e Xi ndaj qendrës së zhurmshme të teknologjisë bregdetare të Shenzhen, e lidhur me ish-udhëheqësin Deng Xiaoping, dhe qendrës vezulluese financiare në Zonën e Re Pudong të Shangait, e kryesuar nga një paraardhës tjetër, Jiang Zemin.

Por lartësia e saj relativisht e ulët dhe ligatinat e përhapura kishin ngritur tashmë shqetësimin për rreziqet e përmbytjeve në vitin 2017, kur qeveria qendrore njoftoi planin për qytetin.

Në atë kohë, ekspertët që vlerësuan mjedisin e zonës zbuluan se nëse popullsia arrinte në 5 milionë, gjysma e pjesëve të zhvilluara të Zonës së Re të Xiong’an do të rrezikohej në rast të një përmbytjeje të nivelit 100-vjeçar.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.