178 milionë euro për një shtëpi – Del në shitje banesa më e shtrenjtë në Dubai
Pallati i Mermerit bie në sy jo vetëm për koston e tij, por edhe për dekorimin e tij “të artë”.
Kjo rezidencë 187 milionë euro në Dubai është e dekoruar me 700 mijë gjethe ari dhe përmban gurë të cmuar italianë me vlerë rreth 25 milionë euro, duke u bërë shtëpia më e shtrenjtë për shitje në qytet. Edhe pse Emiratet e Bashkuara Arabe janë të mbushura me rezidenca luksoze dhe të shtrenjta, ky pallat i veçantë ka arritur të lërë në hije gjithçka, pasi të kujton shumë një pallat nga Versaja.
Rezidenca ultra luksoze në fjalë sapo doli në treg për 187 milionë euro, duke e bërë atë shtëpinë më të shtrenjtë për shitje në këtë qytet tepër elegant. E vendosur në lagjen Emirates Hills, pasuria përfshin një total prej 70 mijë metrash katrorë dhe përfshin një fushë golfi. Gjithashtu ka dhe një pjesë ngjitur prej rreth 6 mijë metra katrorë të disponueshme për blerje nëse keni nevojë për më shumë hapësirë.
Me nofkën e duhur “Pallati i Mermerit” nga agjentët e Luxhabitat Sotheby’s International Realty, rezidenca kryesore shtrihet në 5.574 metra katrorë dhe është e pajisur me një sërë materialesh me cilësi të lartë. Brendësia është gjithashtu e dekoruar me rreth 400 vepra arti nga koleksioni personal i pronarit, të cilat mund të përfshihen në çmim me marrëveshje.
Pallati i Mermerit u përfundua në vitin 2018 pas gati 12 vitesh punë ndërtimi të mundimshme dhe është projektuar për të imituar pronat e ndërtuara në të gjithë Parisin gjatë periudhës së Belle Époque. Firma e ndërmjetësimit vlerëson se ka rreth pesë ose dhjetë blerës potencialë në botë që janë mjaft të pasur për të blerë Pallatin e Mermerit.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.