290 milionë lekë për bazën ajrore të Kuçovës – Do të ndërtohet infrastruktura e nevojshme, hangari I avionëve dhe mjedise shërbimi
Ministria e Mbrojtjes ka hapur një tender me vlerë 290 milionë lekë për ndërtimin e infrastrukturës së nevojshme, hangarin e avionëve dhe mjediset e shërbimit.
Dokumentet e tenderit pritet të dorëzohen deri më 13 nëntor, ndërsa parashikohet që krahas punës për ndërtimin e hangarit, do të kryhen edhe punime rrugore, si dhe shtrimi e asfaltimi.
Sipas dokumenteve të tenderit, gjithshka duhet të përfundojë 1 vit nga nisja e punimeve. Rreth 4 vite më parë Nato mori vendimin për ta kthyer aeroportin e vjetër të Kuçovës në një bazë ajrore të Aleancës.
Ndërkohë, në fillim të vitit 2022 nisën zyrtarisht punimet për ndërtimin e bazës taktike ajore të Nato-s, e para e Aleancës në rajonin e Ballkanit Perëndimor.
Parashikohet, që investimi për këtë qëllim të arrijë një vlerë prej rreth 50 milionë euro.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.