3.6 miliard lekë në 3 vite për nxënësit me aftësi të kufizuar – Dita ndërkombëtare e arsimit, KLSH: strategjitë e përgatitura nuk plotësojnë kushtet e duhura
Strategji jo të plota por dhe mungesa shërbimesh sidomos në zonat periferike janë disa nga problematikat e vëna në dukje nga KLSH i shtetit përsa i përket investimeve që Ministria e Arsimit ka realizuar për fëmiëjt me aftësi të kufizuar në vitet e fundit. Kryetarja e Shoqatës së Prindërve të Fëmijëve me Autizëm, Eglantina Bajrami thotë se vetëm pas 3 vitesh është bërë i mundur rregullimi i një mësuesi ndihmës i cili ende nuk ofron cilësinë e duhur.
Edhe pse me një buxhet nga viti në vit KLSH thekson se niveli i financimit ende nuk është i mjaftueshëm.
Sipas KLSH janë vërejtur mungesa të politikave dhe akteve ligjore të plota dhe bashkëkohore, mungesa në planet e punës por dhe në përcaktimin e objektivave për realizimin e për plotësimin e nevojave aftësuese të kësaj kategorie në kuadrin e sistemit arsimor gjithëpërfshirës e special. Mungesa të theksuara në lidhje me sigurimin e mjeteve didaktike.
Investimet për nxënësit me aftësi të kufizuar
2019- 1.05 MILIARDË LEKË
2020- 1.17 MILIARDË LEKË
2021- 1.40 MILIARDË LEKË
Marinela Lina / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.