75% e miliarderëve e kanë bërë vetë pasurinë e tyre – Por, brezat e ardhshëm do e zhdukin këtë pasuri

Askush nuk e pa pasurinë e tij të rritej me vlerën e 9 zerove pa shpikur një risi që u përhap shpejt dhe në shumë njerëz.

Kohët e fundit, rolin kryesor e ka luajtur zhvillimi i teknologjisë që krijoi një brez njerëzish të pasur. Megjithatë, para vitit 1990 ka pasur edhe miliarderë, ashtu siç ka pasur para vitit 1900. Çuditërisht, koha mesatare që duket se i është dashur dikujt për t’u bërë miliarder është vetëm gjashtë vjet. Gjashtë vjet ngjitje të çmendur, gjeometrike që thyen rekordet njëri pas tjetrit. Në çfarëdo industrie që vepronin, miliarderët kishin një rrugë të tillë.

Bill Gates, themeluesi legjendar i gjigantit të teknologjisë Microsoft, është më i pasuri nga klubi elitar i miliarderëve të vetë-bërë, me një vlerë neto të vlerësuar prej 85.7 miliardë dollarë, sipas një liste të publikuar nga Wealth-X, një firmë me bazë në Singapor.

I dyti pas Gates është Warren Buffett, guru i investimeve me një vlerë neto prej 70 miliardë dollarësh. Dhe në krye të treshes është Amancio Ortega, themeluesi spanjoll i dinastisë së modës Zara, i cili ka një pasuri neto prej 65 miliardë dollarësh. Nga 25 miliarderët më të pasur të vetë-bërë, 14 janë sipërmarrës amerikanë. Në total, këta 14 sipërmarrës kanë një vlerë prej 514.2 miliardë dollarësh. Sot, më shumë se 70% e miliarderëve janë të gjeneratës së parë të bërë vetë. Dhe ata arritën atë nivel pasurie para të 40-tave.

Që nga viti 1892, kur ata përcaktuan se sa njerëz zotëronin pasuri, 84% ishin brezi i parë. Në vitin 1996, kjo shifër ishte 80%. Në vitin 2019 ishte 79%. Studimet e bëra në vitin 2022 zbuluan se ishte 76%.

Megjithatë, pasuria nuk është gjithmonë aq e lehtë sa mund të duket, për t’u ruajtur dhe për t’i kaluar brezit të ardhshëm. 70% e pasurisë i humbet brezit të dytë, pra fëmijëve të atyre që janë pasuruar vetë. Nga nipërit e tyre, 90% e pasurisë tashmë është zhdukur.

Së fundmi, vite pas hyrjes së basketbollistit legjendar Michael Jordan, sot janë edhe tre yje të tjerë që po afrohen në listën e miliarderëve. Ata janë LeBron James, Lionel Messi dhe Cristiano Ronaldo.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.