9.3 trilionë USD, kosto e të ushqyerit jo të shëndetshëm – Përfshihet edhe ulja e produktivitetit në tregun ndërkombëtar të punës

Dëmet shëndetësore dhe mjedisore të shkaktuara nga prodhimi i ushqimit i kushtojnë botës 10 trilion dollarë në vit, ose 10% të PBB-së globale, sipas një raporti të fundit të publikuar nga OKB.

Diabeti dhe sëmundjet e zemrës, pasojë e dietave të dobëta, ‘kushtojnë’ 7.3 trilion dollarë, sipas Organizatës së Ushqimit dhe Bujqësisë – FAO, e cila ka vendosur një ‘çmim’ mbi kostot e fshehura të industrisë ushqimore globale për një vit.

Raporti bëri të qartë se sistemet aktuale të ushqimit rrisin varfërinë në vendet me të ardhura të ulëta. Shumë fermerë në vendet më të varfra nuk përfituan plotësisht nga vlera e prodhimit të tyre, pasi ata shpesh ua shisnin prodhimet e tyre tregtarëve dhe prodhuesve, të cilët bënin fitime, thuhet në raport. Kjo i la fermerët në pamundësi për të përballuar dietat me vlera ushqyese.

Në Ugandë, për shembull, kostoja e fshehur e sistemit bujqësor është 20% e PBB-së; 70% e kësaj është e lidhur me varfërinë. FAO tha se priste që barra financiare të rritet në vitet e ardhshme pasi vendet u bënë më të pasura dhe ushqimi, sheqeri dhe yndyrat ultra të përpunuara përbënin një pjesë më të madhe të dietave.

Sipas raportit kombinimi i mbiushqyerjes – obezitetit dhe të nënushqyerjes është një barrë e dyfishtë e kequshqyerjes dhe vendet me të ardhura të larta nuk kanë probleme si këto.

Më i vogël por i dukshëm është ndikimi në mjedis, i cili vlerësohet në rreth një të pestën e kostos totale. Në nivel global, vlerësohet se për shkak të industrisë ushqimore dhe bujqësisë, lindin kosto të “fshehura” prej më shumë se 2.8 trilion dollarë në mjedis nëpërmjet emetimeve të gazrave ndotëse, përdorimit të sasive të mëdha të ujit, etj.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.