BB, mbështetje për anëtarësimin në SEPA – Sejko takon Salinas, në fokus projektet e Bankës së Shqipërisë

Ola Mitre / SCAN

 

Banka Botërore mund të luajë një rol mbështetës në drejtim të modernizimit të sistemeve të pagesave dhe më konkretisht në anëtarësimin në Tregun Unik të Pagesave në Euro, njohur ndryshe si SEPA si dhe në zbatimin e projektit për pagesat e shpejta”.

Guvernatori i Bankës së Shqipërisë Gent Sejko, zhvilloi një takim pune me përfaqësuesin e Zyrës së Bankës Botërore në Shqipëri Emanuel Salinas, ndërsa në fokus ishin pikërisht projektet e ardhshme të Bankës së Shqipërisë, të cilat mund të mbështeten nëpërmjet asistencës teknike të ofruar nga Banka Botërore.

Një tjetër prioritet i Bankës së Shqipërisë këtë periudhë, në të cilën angazhimi i Bankës Botërore mbetet i një rëndësie të veçantë, ka qenë përmirësimi i kuadrit rregullativ për sistemin financiar dhe sidomos në fushën e mbrojtjes së konsumatorit në mënyrë që të sigurohet mbrojtja e interesave më të mira të konsumatorëve përballë zhvillimeve të vazhdueshme të këtij tregu.

Sipas Bankës së Shqipërisë, Salinas shprehu angazhimin e Banksë Botërore në vijimin e angazhimit që programet e asistencës teknike dhe bashkëpunimi ndërinstitucional të thellohen edhe më tej.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.