Ngrihet Akademia e Energjisë – Balluku: Do formojë brezin e ardhshëm të profesionistëve në sektorin energjetik
Profesionistët e sektorit të energjisë do të formohen në “Akademinë e Energjisë”. Nga shkolla Teknike Elektrike “Gjergji Canco”, ministrja e Infrastrukturës dhe Energjisë, Belinda Balluku prezantoi nismën me fokus në zhvillimin dhe formimin e brezit të ardhshëm të profesionistëve në këtë sektor.
Balluku foli edhe për rëndësinë e arsimit profesional, duke u ndalur te investimet e parashikuara në buxhetin e vitit 2024 për rikonstruksionin e shkollave profesionale dhe konvikteve, si një formë për të afruar edhe të rinjtë nga zona më të largëta.
Në vitin shkollor 2024 -2025, në shkollat e mesme profesionale janë regjistruar 10% më shumë nxënës, në raport me vitin e kaluar. Ndërkohë që, sipas Ballukut, bashkëpunimi mes shkollave profesionale dhe kompanive publiketë energjisë do të jetë prioritet, me qëllim rritjen e punësimit.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.