Pensionet, kategoritë që përfitojnë rritjen – ISSH, Hado: Nga indeksimi përjashtohen kompensimet, detajet për bonusin në mes të tetorit
Teksa pensionet që do të tërhiqen në muajin tetor do të kenë të përfshirë edhe shtesën nga indeksimi prej 4.1%, drejtori i Institutit të Sigurimeve Shoqërore Astrit Hado ka bërë me dije të gjitha kategoritë që do të përfitojnë rritjen.
Nga studio e lajmeve në TV SCAN, Hado theksoi gjithashtu se shtesa bëhet mbi masën e pensionit të gjithësecilit, duke përjashtuar kompensimet, sikurse janë ato të energjisë eletkrike.
Hado foli edhe për bonusin, që parashikohet të jepet nga qeveria, duke bërë me dije se detajet mbi masën dhe kategoritë përfituese do të njoftohen në mes të muajit tetor.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.