Sa përfituan punonjësit e arsimit profesional? – 1650 në total u paguan mesatarisht 22.600 lekë më shumë

Diamila Leka/ Scan

Qeveria tashmë vëmendjen e ka kthyer te Arsimi Profesional ku prioritet i ka dhënë edhe përmes buxhetit afatmesëm 2025-2027. Ndërkohë sipas një publikimi të Ministrit të Ekonomisë, Blendi Gonxhja nga rritja e pagave kanë përfituar edhe punonjësit e këtij sektori. Sipas të dhënave, gjithsej janë 1650 punonjës të Arsimit Profesional, ndërsa janë mesatarisht +22.600 lekë në muaj rritje të pagave.

Por çfarë është parashikuar në kuadër të reformës së arsimit profesional?

Në këtë reformë pritet të nisë pilotimi i sistemit dual, i cili do t’u japë mundësi të rinjve të përfshihen në një program profesional, që tre ditë në javë të kryejnë praktikën pranë një biznesi dhe vetëm dy ditë mësim teorik pranë shkollës profesionale.

Këta të rinj nuk do të konsideron më vetëm si nxënës, por si nxënës-punonjës, ku angazhimi i tyre 18 orë në javë pranë një biznesi, do të paguhet me një shumë monetare sa paga minimale.

Ndërkohë synimi i këtij projekti është që praktika e nxënësve të mos bëhet më në ambientet e shkollës, por në ambientet e punës. Ndërkohë bizneset që do të përfshihen nëzbatimin e këtij sisitemi, duhet që të ofrojnë një hapësirë të dedikuar për mësimin e nxënësve. Gjatë pilotimit të këtij projekti do të përfshihen 8 bashki, 20 shkolla të arsimit professional dhe mbi 100 biznese.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.