A do ta shisnit shtëpinë tuaj për kriptomonedha?

Europa është tregu më i nxehtë për shkëmbimin e pronave me kriptomonedha, sipas themeluesve të kriptomonedhës Unicoin të mbështetur nga asetet.

Një pjesë e madhe e pasurisë botërore sot është e mbyllur në aktive jo-likuide, prandaj ato zakonisht tregtohen me zbritje.

Sipas një studimi të fundit nga Boston Consulting Group, “tokenizimi” duke përdorur kriptomonedha dhe teknologji blockchain premton t’i kthejë aktivet jolikuide si pronat në flukse kapitali dhe ky treg pritet të rritet në 16 trilion dollarë (14.85 trilion euro) deri në vitin 2030.

Megjithëse përdorimi i këtyre mjeteve të reja dixhitale ende nuk është rregulluar gjerësisht në SHBA, ligjet e reja në Europë janë vendosur të hyjnë në fuqi nga viti 2025, gjë që mund të çojë në rishqyrtimin e idesë së investitorëve për shënjimin e aseteve të botës reale, duke përfshirë pasuritë e paluajtshme, artin e mbi vlerësuar dhe ekuitetet, ndër të tjera.

“Tokenizimi” është një mënyrë për t’i kthyer asetet e prekshme në fragmente dixhitale të tyre, duke përdorur teknologjinë blockchain. Shenjat funksionojnë në blockchain përmes kontratave inteligjente, dhe një shenjë mund të përfaqësojë një objekt të tërë si dhe një pjesë të tij.

Transaksioni i pronës me vlerë më të lartë që përfshin kriptovalutat deri më tani është një marrëveshje pronësie prej më shumë se 500 milion dollarë që përfshin ishujt Bahamas të Long Island dhe Andros Island. Ajo u pagua tërësisht nga një kriptomonedhë e quajtur Unicoin.

Unicorn është kriptomonedha e një firme të quajtur Unicorn Hunters, e cila përdor financimin ‘crowd-founding’ si një mënyrë për të kërkuar biznese fillestare (startup-e) për të investuar në atë që ata besojnë se përfundimisht do të kenë një vlerësim prej më shumë se 1 miliardë dollarë (930 milion €). Sipas studimit të tyre të tregut, dy nga tre vendet kryesore me prona të disponueshme për të blerë me kriptovaluta ishin në Europë. Spanja kishte 289, Tajlanda ofroi 227 dhe Portugalia 130.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.