A e shpëtoi Ukraina deficitin tregtar të BE-së? – Hyrja e prodhuesve kinezë në tregun europian, jetëshkurtër. Por, e shpejtë!

Bilanci tregtar i Bashkimit Europian me pjesën tjetër të botës u rimëkëmb ndjeshëm në vitin 2023, duke u rikthyer në territor pozitiv, pas dy viteve të shënuara nga një përkeqësim i paprecedentë që çoi në një deficit rekord prej 436.1 miliardë euro (2.7% e PBB-së së BE-së) në 2022-shin. Kështu, sipas BNP Paribas, pozicioni suficit i BE-së që mbizotëronte para krizës energjetike po rikthehet gradualisht. Sipas analizës së bankës franceze, ky përmirësim reflekton kryesisht efektet e kombinuara të çmimeve më të ulëta të energjisë dhe një rënie më e madhe e vëllimit të importeve në krahasim me eksportet.

Zhvendosja nga një deficit tregtar në 2022 në një suficit në 2023 u nxit kryesisht nga thithja e deficitit të gazit, i cili u reduktua me pothuajse 142 miliardë euro në vitin 2023. Ky përmirësim, edhe pse i rëndësishëm, fshin vetëm një pjesë të përkeqësimit të përjetuar në këtë fondi në vitin 2022. Gazi natyror është ende deficiti i dytë më i madh i BE-së me pjesën tjetër të botës, pas naftës së papërpunuar, deficiti i së cilës gjithashtu ra ndjeshëm vitin e kaluar (-57.5 miliardë euro). Duke i shtuar kësaj qymyrin, tre komponentët kryesorë të përmirësimit të bilancit tregtar të BE-së në vitin 2023 ishin komponentët e energjisë.

Për sa i përket bilancit dypalësh, kjo forcoi suficitin tregtar të BE-së me SHBA-në dhe Britaninë e Madhe – dy vende të cilave europianët iu drejtuan për importin e gazit natyror si zëvendësim për importet ruse. Zëra të tjerë, të cilët patën një ndikim relativisht të vogël në krahasim me energjinë, rritën gjithashtu bilancin tregtar në vitin 2023. Kjo është veçanërisht e vërtetë për tekstilet dhe veshjet, si dhe makineritë dhe pajisjet për përdorim të përgjithshëm industrial. Në të kundërt, produktet mjekësore dhe farmaceutike dhe, në një masë më të vogël, letra dhe druri, peshuan më negativisht në bilancin tregtar europian vitin e kaluar.

Në të njëjtën kohë, lufta në Ukrainë shkaktoi një rritje të konsiderueshme të eksporteve evropiane në vend, për të mbështetur Kievin në përpjekjet e tij luftarake, gjë që u reflektua në rritjen e eksporteve të armëve dhe municioneve, makinerive, pajisjeve dhe kimikate – ilaçe, plehra. Në të njëjtën kohë, importet e vajrave bimore, të cilat përbënin deficitin më të madh dypalësh të BE-së me Ukrainën, ranë ndjeshëm.

Suficiti tregtar i BE-së u strukturua rreth dy shtyllave kryesore në vitin 2023, industria e automobilave dhe farmaceutika. Këta dy sektorë përbënin më shumë se një të tretën e suficitit total evropian në vitin 2023.

Mbizotërimi i disa kompanive të mëdha shumëkombëshe evropiane në industrinë farmaceutike dhe kriza shëndetësore, ndër të tjera, i kanë lejuar BE-së të gjenerojë suficite gjithnjë e më të mëdha tregtare në këtë segment deri në vitin 2022, edhe nëse ky trend është ndalur në vitin 2023.

Dorina Kurtaj /SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.