A është ulliri biznes fitimprurës? – Pensionistët u bëjnë shërbimin, mungesa e fuqisë punëtore po “infekton” sektorin

A është ulliri biznes fitimprurës? Silvana Subashi, e cila prej dekadash e ka përdorur këtë pemë si biznes të mirëfilltë, shprehet se ulliri është një ndër asetet më të rëndësishme që ka vendi për të siguruar mirëqenie.

Sipas saj, edhe këtë vit ka prodhim të mjaftueshëm për të përmbushur nevojat e konsumatorëve dhe se çmimi mesatar arrin në 800 lekë litri.

Por mungesa e fuqisë punëtore nuk po i vjen në ndihmë fuqizimit të këtij sektori. Në fabrikë, sheh vetëm fermerë në moshën e pensionit të cilët çojnë ullirin për ta kthyer në vaj dhe më tej për të siguruar të ardhura përmes shitjes.

Prodhimi i ullirit shënoi rekord gjatë  vitit 2022 me një rritje disa herë më të lartë se produktet e tjera në vend, ku prodhimi arriti në 152 mijë tonë. Ndërkohë duket se është produkti që do të udhëheqë rritjen e bujqësisë shqiptare, pasi premton 4 fishim të ardhurash për mbi 118 mijë fermerë.

Elisabeta Dosku / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.