A po e përdor Kina Hungarinë si një urë të rëndësishme në pushtimin e tregjeve europiane?

Presidenti kinez ka mbërritur në Budapest të mërkurën vonë, në ndalesën e tretë dhe të fundit të vizitës së tij europiane.

Gjatë qëndrimit të tij treditor, Xi Jinping dhe delegacioni i tij pritet të përfundojnë një sërë marrëveshjesh ekonomike me Budapestin, pasi Kina e sheh Hungarinë si një urë të rëndësishme në pushtimin e tregjeve evropiane: ndër të tjera, kompanitë kineze po ndërtojnë fabrika të makinave elektrike dhe baterive.

Të dyja palët pritet të nënshkruajnë 16 marrëveshje, ndërsa dy të tjera janë ende në negociata. Marrëveshjet përfshijnë zhvillimet infrastrukturore hungareze dhe projektet hekurudhore, rrugore dhe energjetike që lidhen me iniciativën me prioritet të lartë të Pekinit “Një brez dhe një rrugë”.

Puna e rinovimit është duke u zhvilluar në linjën hekurudhore Budapest-Beograd, një nga simbolet e zgjerimit ekonomik të Kinës në Hungari: 85% e investimit mbulohet nga kreditë kineze.

Me bashkëpunimin e Hungarisë dhe Serbisë, hekurudha e modernizuar synonte të ishte pjesë e hekurudhës së planifikuar Budapest-Beograd-Shkup-Athinë do të ndihmonte mallrat kineze të arrinin në Europën Perëndimore nga porti grek i Pireut, i drejtuar nga Kina, më shpejt se kurrë.

Hekurudha është kritikuar ashpër që nga fillimi i saj. Më herët në vitin 2023, u ngritën pyetje nëse teknologjia e importuar e nevojshme për ta operuar atë përputhet me standardet e BE-së.

Kritikë të tjerë kanë theksuar se ai i anashkalon të gjitha qytetet kryesore hungareze; kredia kineze për ndërtimin e saj mund të marrë një shekull të tërë për t’u shlyer plotësisht, ndërkohë që kthimi i investimit është në pikëpyetje.

Ndërkohë, zyrtarët e BE-së kanë deklaruar tashmë se po kërkojnë të kufizojnë aspiratat ekonomike të Kinës në Europë.

Komisioni Europian ka nisur një hetim mbi subvencionet shtetërore kineze për prodhimin e automjeteve elektrike dhe paneleve diellore, duke akuzuar udhëheqjen e Pekinit për shtrembërim të konkurrencës në treg.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.