Printeri 3D mund të ndërtojë një shtëpi për 3 ditë – Makineria më e madhe në botë, prezantohet në SHBA

Universiteti i Maine në Shtetet e Bashkuara prezantoi printerin më të mëdh në botë 3D prej polimeri. Printeri i ri i quajtur Factory of the Future 1.0 (FoF 1.0) mund të printojë objekte deri në 30 metra të gjata, 10 metra të gjera dhe 5.5 metra të larta.

Është gjithashtu i shpejtë sepse ka mundësi të prodhojë deri në 226 kilogram në orë.

Teknikat e printimit ndryshojnë në mënyrë dinamike, për t’ju përshtatur aspekteve të ndryshme të punëve komplekse.

Ky printer është fjala e fundit e teknologjisë dhe është unik në mënyrën se si u përshtatet industrive duke filluar nga ndërtimi i shtëpive, i infrastrukturave apo zhvillimi i makinerive ushtarake.

FoF 1.0 ka një printer simotër në kampusin e universitetit të Maine i cili mbante rekordin si printeri më i madh 3D në botë. Është përdorur për të ndërtuar një shtëpi 55 metër katror.

Universiteti i Maine në sfidë me veten e theu rekordin botëror duke krijuar printerin më të madh polimer 3D.

Shpikja e jashtëzakonshme e zbuluar në Universitetin e Maine është katër herë më e madhe se e para dhe e aftë për të printuar objekte gjithnjë e më të fuqishme. Kjo përfshin shkallëzimin e teknologjisë të printuar 3D duke përdorur materiale natyrale për të demonstruar përfundimisht se si lagjet e printuara do të duken në përfundim.

Sipas autoriteteve, qëllimi është ndërtimi i një shtëpie në të cilën njerëzit do donin të jetonin.

Polimerët termoplastikë nxirren nga kjo “Fabrikë e së Ardhmes”. Ekspertët kanë kombinuar operacionet e robotikës me sensorë të rinj, informatikë me performancë të lartë dhe inteligjencë artificiale.

Të pranishëm në zbulimin zyrtar të FoF 1.0 ishin përfaqësues nga Departamenti Amerikan i Mbrojtjes, nga Energjia, Autoriteti Shtetëror i Strehimit të Maine, si dhe palë të tjera të interesuara që planifikojnë të përdorin këtë printer 3D.

Adelina Onuzi/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.