Abuzimet me hotelet në Tiranë – Finalja e 25 Majit/ Kasa: Abuzim i pastër, shteti të ndërhyjë!
Çmimet e shumë hoteleve në zemër të kryeqytetit në datën 25-26 maj janë shumëfishuar për shkak të finales së “Conference League” që do të luhet në “Air Albania” midis Romës dhe Feyenoord.
Në një intervistë për TV SCAN, Kryetari i Unionit Turistik Shqiptar, Rrahman Kasa e cilëson këtë reagim të strukturave hoteliere si një abuzim të pastër.
Sipas tij, qeveria duhet të ndërhyjë me mekanizmat e saj pasi kjo situatë po dëmton rëndë turizmin dhe sidomos në një vit kur Tirana është Kryeqyteti Europian i Rinisë dhe synon të thithë sa më shumë turistë.
Rritja e çmimeve mund të shikohet lehtësisht në platformat e prenotimit në internet ku ekspozohen dhoma hoteli në mbi 8 mijë euro nata.
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.